Մուտք Էլ. փոստ

Լուծարում

ՀԱՅՏԱՐԱՐՈՒԹՅՈՒՆ. ՀՀ կառավարության 15.03.18թ. N266-Ա որոշման համաձայն «Արաքս» ՓԲԸ-ն գտնվում է լուծարման գործընթացում: Ընկերության բաժնետերերի 2018թ. ապրիլի 7-ին կայացած արտահերթ ժողովի որոշմամբ ստեղծվել է լուծարման հանձնաժողով։ «Աճուրդի կենտրոն» ՊՈԱԿ-ի կողմից ս.թ. հունվարի 14-ին կազմակերպված դասական աճուրդում ընկերության ամբողջ գույքը, որն իրենից ներկայացնում է  ք.Երևան, Գ.Նժդեհի 37/8 և 37/13 հասցեներում գտնվող անշարժ գույքը՝ 2596.03 քառ.մ մակերեսով շենք-շինություններ և 0.41972 հա հողամաս, որից` 0.351782 հա տրված է սեփականության իրավունքով, իսկ 0.067938 հա` վարձակալությամբ, և 3 հատ հիմնական միջոցները, վաճառվել է 154629.0 հազար դրամով (առանց հողամասի 37675.9 հազար դրամ կադաստրային արժեքի), ընդ որում՝ վաճառքի գինը աճուրդի ժամանակ բարձրացել է 50%-ով՝ 103086.0 հազար դրամից դառնալով 154629.0 հազար դրամ։  «Բաժնետիրական ընկերությունների մասին» ՀՀ օրենքի 28-րդ հոդվածի 9-րդ մասի համաձայն՝ պարտատերերի պահանջները բավարարելուց հետո մնացած գույքը (դրամական միջոցները) լուծարման հանձնաժողովը պետք է բաշխի բաժնետերերի միջև։ Ներկայումս լուծարման հանձնաժողովը միջոցներ է ձեռնարկում «Արաքս» ՓԲԸ-ի պարտավորությունները մարելու ուղղությամբ։ «Արաքս» ՓԲԸ-ի բաժնետոմսերի 20%-ը պատկանում է ոչ պետական բաժնեմասի թվով 173 սեփականատերերին, իսկ 80%-ը՝ Հայաստանի Հանրապետությանը: Հաշվառման նպատակով, «Արաքս» ՓԲԸ-ի ոչ պետական բաժնեմասի սեփականատերերը պետք է ընկերություն ներկայացնեն անձնագրի և սոցիալական քարտի կամ նույնականացման քարտի և բանկային հաշվի համարի պատճենները։ Լրացուցիչ տեղեկությունների համար կարող եք զանգահարել Անահիտ Հովսեփյանին 091-23-03-71 հեռախոսահամարով: 

 

ՀԱՅՏԱՐԱՐՈՒԹՅՈՒՆ.  «Օշական» մանկական վերականգնողական կենտրոն» ՓԲԸ-ի  լուծարման հանձնաժողովը տեղեկացնում է՝  ՀՀ կառավարության 2017թ. օգոստոսի 3-ի թիվ 940-Ա որոշմամբ լուծարման գործընթացում գտնվող «Օշական» մանկական վերականգնողական կենտրոն» ՓԲԸ-ին պատկանող Արագածոտնի մարզ, Օշական համայնքի, Դպրոցականների փողոց 93 հասցեում գտնվող անշարժ գույքը ենթակա է վաճառքի կամ վարձակալության: Անշարժ գույքն իրենից ներկայացնում է շուրջ 13929 քառ.մ մակերեսով տարբեր չափերի շենք-շինություններ և 14.5136 հա հողամաս: Տարածքներն ամբողջությամբ կամ մասնակի գնել և/կամ վարձակալել ցանկացողներն իրենց առաջարկությունները կարող են ներկայացնել ՀՀ կառավարությանն առընթեր պետական գույքի կառավարման վարչության (ք.երևան, Տիգրան Մեծի 4) աշխատակազմի պետական բաժնեմասի կառավարման վարչության լուծարման բաժին, 4-րդ հարկ, 409 սենյակ կամ ներկայացնել էլեկտրոնային տարբերակով հետևյալ հասցեին՝ info@spm.am: Տարածքին ծանոթանալու նպատակով զանգահարել (099) 67-77-11 կամ (011) 52-65-57 հեռախոսահամարներով:

 

ՀԱՅՏԱՐԱՐՈՒԹՅՈՒՆ.  «Արթիկի նավթամթերք» ՓԲԸ-ի լուծարման հանձնաժողովը տեղեկացնում է՝ ՀՀ կառավարության 2016թ. սեպտեմբերի 22-ի թիվ 971-Ա որոշմամբ  լուծարման գործընթացում գտնվող «Արթիկի նավթամթերք» ՓԲԸ-ին պատկանող ՀՀ Շիրակի մարզ, ք.Արթիկ, Տուֆաբլոկների 14 հասցեում գտնվող անշարժ գույքը ենթակա է վաճառքի կամ վարձակալության: Անշարժ գույքն իրենից ներկայացնում է 6 միավոր շենքեր՝ 317.5 քմ ընդհանուր մակերեսով և 5,909 հա հողատարածք: Շենքերն կարելի է օգտագործել որպես պահեստներ: Նշված անշարժ գույքը վարձակալել և/կամ գնել ցանկացողներն իրենց առաջարկությունները կարող են ներկայացնել ՀՀ կառավարությանն առընթեր պետական գույքի կառավարման վարչության (ք.երևան, Տիգրան Մեծի 4) աշխատակազմի պետական բաժնեմասի կառավարման վարչության լուծարման բաժին, 4-րդ հարկ, 409 սենյակ կամ ներկայացնել էլեկտրոնային տարբերակով հետևյալ հասցեին՝ info@spm.am: Տարածքին ծանոթանալու նպատակով զանգահարել (011) 52-65-57 կամ (077) 99-69-50 հեռախոսահամարներով: