Մուտք Էլ. փոստ

Նորություններ

19.09.2017թ.
Մասնավորեցումը պետություն-մասնավոր հատված գործակցության վառ օրինակ է. ՊԳԿ վարչությունում հյուրընկալվել է ԱՄՀ առաքելությունը Այսօր՝ սեպտեմբերի 19-ին, Պետական գույքի կառավարման վարչության պետ Արման Սահակյանն աշխատանքային հանդիպում է ունեցել Արժույթի Միջազգային Հիմնադրամի առաքելության ներկայացուցիչների հետ, պատվիրակությունը գլխավորել է Հոսեյն Սամիին: Այցի նպատակը Մասնավորեցման ծրագրի հետ կապված հարցերի քննարկումն էր: ՊԳԿՎ ղեկավարը հյուրերին համառոտ ներկայացրել է, թե մասնավորեցման գործընթացը մեր երկրում ներկայում որ փուլում է և ինչպիսին է ոլորտում իրականացվող պետական քաղաքականությունը:...
13.09.2017թ.
Սեպտեմբերի 13-ին Երևանում և Ստեփանակերտում կայացել է Պետական գույքի կառավարման հաշվեկշռում գործող՝ Կուրորտաբանության և ֆիզիկական բժշկության գիտահետազոտական ինստիտուտի տարեկան՝ 8-րդ միջազգային գիտաժողովը՝ ՛՛Ռեաբիլիտացիայի ժամանակակից տեսակետները բժշկության մեջ՛՛ խորագրով : Գիտաժողովին մասնակցել են նաև ՊԳԿՎ ներկայացուցիչներ, մասնակիցներին և հյուրերին ողջունել է ՊԳԿՎ պետի տեղակալ Անդրեյ Սիմոնյանը՝ մաղթելով բեղմնավոր աշխատանք: ՙՙՀաշվի առնելով ինստիտուտի առանցքային դերը, նրա նշանակությունը Հայաստանի բուժ-առողջարարական հարուստ ռեսուրսների ուսումնասիրման և դրանց ռացիոնալ օգտագործման առումով, մեր Վարչությունը ներկայումս փորձում է գտնել ներդրման առավել օպտիմալ ուղիներ և մեխանիզմներ՝ ինստիտուտի արդիականացման և վերազինման նպատակով՚՚-ասել է պարոն Սիմոնյանը, փաստելով, որ գիտաժողովի ուղղվածությունը և մասնակիցների նման ներկայացուցչական կազմը համոզիչ ապացույց են, որ բժշկական ռեաբիլիտացիայի բնագավառում զարգացման հետագա հաջողությունները ավելի ակնհայտ կդառնան միայն միացյալ ջանքերի և սերտ համագործակցության շնորհիվ:...
28.07.2017թ.
Պետգույքի կառավարման վարչությունը նախապես կայքում հրապարակել էր վաճառքի հանված մեքենաների մասին բոլոր տվյալները, վիճակը, գնահատված արժեքն ու մեկնարկային գինը: Պետական ծառայողների մեքենենարի աճուրդում վաճառվում է 16 ավտոմոբիլ` բոլորը Պետական եկամուտների կոմիտեի ծառայողական մեքենաներն են: Պետգույքի կառավարման վարչությունը նախապես կայքում հրապարակել էր վաճառքի հանված մեքենաների մասին բոլոր տվյալները, վիճակը, գնահատված արժեքն ու մեկնարկային գինը: 4 տասնյակ քաղաքացիները հենց այդ հայտարարությամբ են եկել մասնակցելու աճուրդին: Նախապես կանխավճարները փոխանցել են, հետո մասնակցելու իրավունք ստացել: Եթե մեքենա չգնեն` կանխավճարը հետ կստանան: Վաճառքի դրված ավտոմեքենաները հիմնականում միջինը 10 տարվա հնության են: Սակարկության ընթացքում` դրանցից մեկը` 200 հազար դրամանոց մեկնարկային արժեքով ՎԱԶ 21074-ը վաճառվեց 600 հազար դրամով:...
28.07.2017թ.
Պետական գույքի կառավարման վարչությունն ուսումնասիրել է պետական բաժնեմասով ընկերություններում անցկացված ֆինանսատնտեսական մոնիտորինգը, արձանագրել այդ կազմակերպությունների իրական վիճակը, վերլուծել դրանց վատթարացման պատճառները: Պարզվել է, որ օրինակ` ՀԱԷԿ-ում տարվա ընթացքում մի քանի անգամ նորոգման, լիցքավորման աշխատանքներ են տարվում. ատոմակայանն այդ ընթացքում չի աշխատում, և ընկերության շահույթը նվազում է: Պետական գույքի կառավարման վարչությունն ու ՀԱԷԿ տնօրինությունը փորձում են ատոմակայանի առողջացման ծրագրեր գտնել: Տնօրենը հայտնեց, որ դրական տեղաշարժ նկատվում է ընկերությունում`. այս տարվա ընթացքում Ատոմակայանի ֆինանսական վիճակը կկայունանա, եվ ՀԱԷԿ-ը շահույթով կաշխատի: Պետական գույքի կառավարման վարչության պետ Արման Սահակյանը հայտնեց, որ պետական մասնակցությամբ 182 առևտրային կազմակերպությունների երկու տարվա ֆինանսատնտեսական վերլուծության արդյունքների վերլուծությամբ պարզվել է, որ կազմակերպությունների մեծ մասի շահութաբերության ցուցանիշը ցածր է և կազմում է` մոտ 1 %: Կազմակերպությունների շահույթի մակարդակը պետք է հավասարվի 6%-ի, այդ դեպքում դրանց շահույթի մակարդակը կավելանա մոտ 8 անգամ:...